കാസര്കോട് : തിരുകേശത്തെക്കുറിച്ച് അഭിപ്രായം പറയാന് ഭരണപക്ഷത്തിനും, പ്രതിപക്ഷത്തിനും അവകാശമില്ലെന്ന് അഖിലേന്ത്യാ സുന്നി ജംഇയ്യത്തുല് ഉലമ ജനറല് സെക്രട്ടറി കാന്തപുരം എ പി അബൂബക്കര് മുസ്ല്യാര് അഭിപ്രായപ്പെട്ടു.
കാസര്കോട്ടെ വിവിധ പരിപാടികളില് സംബന്ധിക്കാനെത്തിയ കാന്തപുരം പത്രപ്രവര്ത്തകര് ചോദിച്ചപ്പോഴാണ് ഇങ്ങനെ പറഞ്ഞത്. അനാവശ്യമായ തര്ക്കങ്ങളില് അഭിപ്രായം പറയാന് ഞങ്ങളില്ല. സമുദായത്തിനും നാടിനും ചെയ്തുതീര്ക്കാന് തന്നെ ധാരാളം ജോലികളുണ്ട്. അതിന്റെ തിരക്കിലാണ് ഞങ്ങള്. പിണറായി പറഞ്ഞ കാര്യത്തെക്കുറിച്ച് ചോദിച്ചപ്പോള് അതിനു ഇന്നലെ തന്നെ മറുപടി പറഞ്ഞതാണെന്നും അദ്ദേഹം പറഞ്ഞു.
തിരുകേശത്തെക്കുറിച്ച് മറുവിഭാഗം ഉന്നയിക്കുന്ന ആരോപണങ്ങളെപ്പറ്റി ചോദിച്ചപ്പോള് അതിനു മറുപടി പറയുന്നില്ലെന്നും, ബാലിശമായ വാക്കുകളാണ് അവര് ഇപ്പോഴും പറഞ്ഞുകൊണ്ടിരിക്കുന്നതെന്നും കാന്തപുരം വ്യക്തമാക്കി. എന്തിനും എതിരുപറയുക എന്നതു ശീലമാക്കിയിരിക്കുന്ന വിഭാഗത്തിന് മറുപടി പറഞ്ഞ് സമയം കളയാന് ആഗ്രഹിക്കുന്നില്ലെന്നും കാന്തപുരം കൂട്ടിച്ചേര്ത്തു.
ഇസ്സുദ്ദിന് സഖാഫി, പള്ളങ്കോട് അബ്ദുല്ഖാദര് മദനി, കന്തല് സൂപ്പി മദനി, കൊല്ലമ്പാടി അബ്ദുല്ഖാദര് മദനി, എന്നിവരും അദ്ദേഹത്തോടൊപ്പമുണ്ടായിരുന്നു.
|
2012, ഫെബ്രുവരി 21, ചൊവ്വാഴ്ച
പ്രതിപക്ഷത്തിനും ഭരണപക്ഷത്തിനും തിരുകേശത്തില് ഇടപ്പെടാന് അവകാശമില്ല : കാന്തപുരം
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ